LDK ka mbajtur takimin e radhës me qytetarë në komunën e Malishevës. Para të pranishmëve, kryetari Abdixhiku foli për zhvillimet e përgjithshme në vend dhe për skandalet që po e përcjellin qeverinë e Kosovës.
Edhe në Malishevë, Abdixhiku foli për deklarimin e kryeministrit të Kosovës dhe lartësimin e figurës së Oliver Ivanovic, i dënuar për krime lufte. Ai tha se po bëhet glorifikimi i një krimineli lufte, i dënuar me 9 vite burgim për vrasjen e 31 civilëve shqiptarë duke u portretizuar nga pushteti si person që ka kontribuar për një Kosovë shumë etnike.
“Glorifikimi i një krimineli lufte, i dënuar me 9 vite burgim për vrasjen e 31 civilëve shqiptarë. I njëjti nga pushteti aktual na portretizohet si person që ka kontribuar për një Kosovë shumë etnike, pra njeriun që pushteti e cilëson si kontribues të qytetit të tij.” – tha Abdixhiku.
Kryetari i LDK-së tha se kërkim falja është e pakta që mund të bëhet, pasi kryeministri e paraqiti një kriminel lufte si promovues të paqes.
“Mjafton tu referohemi të dhënave të dëshmitarëve të familjarëve të v rarë e të shohim qartë se çfarë krimineli lufte, kryeministri ynë po na e paraqet si promovues të paqes dhe harmonisë ndëretnike. Kërkim falja është më e pakta që mund të ia bëjmë popullit tonë”, ka thënë kryetari Abdixhiku./Front Online