Muzika e shpicës së emisionit “FAKTE” që gjithmonë e dëgjoni është fillimi i një kënge që me vete përmban një histori tejet të rëndësishme, ku lë gjurmë në kohët më të vështira të vendit tonë. Bëhet
fjalë për këngën “Kosova Calls for Peace” që në shqip do të thotë “Kosova thërret për paqe”, e që
për qëllim kishte t’i tregonte botës se në Kosovë po zhvillohej luftë e vërtetë dhe me krejt këtë të
vërtetë Kosova kishte nevoj për paqe.

Një ditë të vitit 1998, pasi ishte zhvilluar Beteja në Prekaz, një grup artistësh teksa po qëndronin në
një kafene të Prishtinës kuptojnë se ishte e nevojshme dhe kishin potencial të bënin edhe ata diçka
në të mirë të Kosovës. Së bashku me ta ishte edhe njeriu i afërt i presidentit Rugova, Adnan Merovci.
“Ka ardhur koha që të bëhet një këngë për Kosovën. Një këngë bile në gjuhën angleze, e cila do ta
sensibilizonte çështjen e Kosovës dhe të luftës”, u kishte thënë atë kohë Adnan Merovci shokëve të
tij, këngëtarëve të mirënjohur tashmë, Sabri Fejzullahut e Sinan Vllasaliut, të cilët nuk ishin të
vetmit në atë tavolinë.

Kaq mjaftoi për t’ua ngjallur çdo emocion shokëve të tij për t’i ndihmuar në njëfarë forme Kosovës,
e cila ishte duke përjetuar gjendjen më të rëndë ndonjëherë.

Me orë policore e duke parë policët serbë kudo, e pasi kishim përjetuar humbjen më të madhe në
vend, humbjen e pjestarëve të familjes Jashari, në krye me komandantin legjendar të UÇK-së, Adem
Jashari, 18 këgëtarë, ku bënin pjesë fëmijë, të rinj e më në moshë ia dalin që me zërin e tyre, në
patronatin e presidentit Rugova, t’i shërbenin diplomacisë publike të Kosovës në atë kohë.

Kush ishin këta këgëtarë që morën pjesë në këtë këngë, i kujt ishte teksti, kush e mori përsipër
regjinë e videoklipit, ku u xhirua, a u paguan këtë pjesëmarrës, e shumë detaje tjera mund t’i
dëgjoni në rrëfimin ekskluziv të Producentit Ekzekutiv, Adnan Merovcit dhe autorit të kësaj kënge,
Xhevdet Gashit.

Linku në vazhdim: