Zvicra i ka dhënë fund aventurës në Kampionatin Botëror “Katar 2022” duke u eliminuar mbrëmë nga Portugalia me rezultat të thellë, 6:1.
Portugalia e fitoi ndeshjen ndaj helvetëve në kuadër të fazës së eliminimit direkt, shkruan FrontOnline.
Në këtë ndeshje, titullarë nga fillimi ishin Xherdan Shaqiri dhe Granit Xhaka, teksa Ardon Jashari u inkuadrua në fund të ndeshjes.
Pas ndeshjes, Shaqiri ka kërkuar falje te tifozët zviceranë për humbjen.
“Jemi shumë të zhgënjyer. Në emër të ekipit, u kërkoj falje të gjithë tifozëve që nuk arritëm të bënim paraqitjen tonë të zakonshme. Ne kemi plane të mëdha. Por ky është futbolli, herë pas here tregohen limitet”, tha Shaqiri.
“Kështu ishte edhe sot. Ne e humbëm lojën në raundin e parë dhe më pas ju po ndiqni lojën. Ju gjithashtu duhet të përgëzoni portugezët për golat, por rezultati ishte padyshim shumë i lartë”, shtoi ai pas ndeshjes./FrontOnline/