Ballkani do ta zhvillojë sonte ndeshjen më me rëndësi në histori të klubit, raporton FrontOnline.

Djelmoshat e Ilir Dajës do të luajnë sonte ndeshjen e parë të fazës “play-off” në Ligën e Konferencës.

Në këtë ndeshje, Ballkani do të jetë përballë skuadrës shqiptare, Shkupi.

Kjo ndeshje do të zhvillohet në stadiumin “Todor Proeski” në kryeqytetin e Maqedonisë së Veriut.

Sfida e sontme do të luhet nga ora 21:00.

Nga ana tjetër, kryetari i Suharekës, Bali Muharremaj dhe drejtorët e komunës që ai drejton kanë dalur në punë me fanellat e Ballkanit në mbështetje të klubit të qytetit.

Në rrjetin social “Facebook”, Muharremaj ka shkruar:

“Për FC Ballkani sonte kemi emocione të gjithë, në Kosovë dhe Suharekë. 🙏👏🏆
Klubi i Ballkanit sot është emocioni ynë dhe 🧡 jonë“.

Ndryshe, ndeshja e kthimit në stadiumin “Fadil Vokrri” në Prishtinë luhet pas një jave./FrontOnline/