Mijëra argjentinas të pakënaqur bllokuan qendrën e Buenos Aires gjatë protestave të dhunshme në rrugë, duke kërkuar nga qeveria të rrisë pagat dhe përfitimet e papunësisë, të goditura nga rritja e kostove të jetesës dhe dobësimi i monedhës kombëtare, pesos.

Kriza ekonomike në vendin e Amerikës Latine ka parë që numri i të varfërve të rritet në 40 për qind të popullsisë, ndërsa presidenti Alberto Fernandez përpiqet të gjejë zgjidhje për inflacionin galopant që lëviz rreth 70 për qind, raporton Reuters.

“Ne nuk mund të vazhdojmë me këtë nivel inflacioni sepse po humbasim një pjesë të pagave çdo ditë”, tha Pablo Mojano, kreu i sindikatës CGT, e cila përfaqëson kryesisht punonjësit e qeverisë./FrontOnline/