Gerard Pique thuhet se gjeti shpejt një dashuri të re pas ndarjes me këngëtaren Shakira dhe aktualisht është në një lidhje me një studente të quajtur Clara Chia Marti e cila është 12 vjet më e re, sipas mediave të huaja.
Clara, 23 vjeç, punon për Pique dhe burime pranë çiftit thonë se ata janë takuar prej disa kohësh, edhe pse nuk dihet nëse romanca e tyre ka nisur para apo pas ndarjes me këngëtaren. Studentja u takua me futbollistin teksa punonte në ngjarje në kompaninë e tij të prodhimit Kosmos.
“Ata heshtën për marrëdhënien e tyre, por të gjithë rreth tyre e dinë se çfarë po ndodh. Njerëzit i ndihmuan ta mbanin të fshehtë romancën e tyre dhe fshinë llogaritë e Clara-s në rrjetet sociale, në mënyrë që askush të mos gjente fotot e saj.
“Vetëm kjo i bën miqtë e Gerardit të mendojnë se ai në fakt është mjaft serioz për të”, tha një burim i afërt me Clara.
Kujtojmë se lajmi për ndarjen mes Piques dhe Shakirës, të cilët kanë dy djem së bashku, u publikua në qershor. Futbollisti dyshohet se e ka tradhtuar këngëtaren me një bionde misterioze dhe ajo nuk e ka kapërdirë dot./FrontOnline/
