Artisti kolumbian, J Balvin, ka elektrizuar mbrëmë turmën e njerëzve që ishin pjesë e “Sunny Hill Festival”.

J Balvin në një intervistë për Klan Kosovën, pak para performances, tha se është mahnitur me publikun dhe se është i lumtur që ndodhet në Kosovë.

“Jam i lumtur që jam këtu. E pashë turmën, sapo kaluam këndej dhe po duket mahnitshëm. Jemi gati për shfaqjen”, u shpreh ai.

Ndërsa njëri nga valltarët e tij tha se është emocionuar duke parë kaq shumë njerëz duke vallëzuar.

“Është e mahnitshme, u shokova pasi ishte hera e parë që pashë kaq shumë njerëz duke lëvizur dhe vallëzuar. U emocionova”.

J Balvin ka performuar në natën e dytë të festivalit “Sunny Hill” bashkë me disa artistë të tjerë të njohur ndërkombëtarë dhe vendorë.