Ekziston një ide gjithnjë e më popullore se pesha trupore e disa njerëzve ka një “pikë të caktuar” në të cilën funksionon dhe e bën të vështirë për individët të humbin peshë. Teoria e “pikës së caktuar” në peshore është në fakt ideja se trupi ka një peshë të para-programuar në të cilën funksionon normalisht dhe me efikasitet. Ekzistojnë gjithashtu disa prova shkencore që sugjerojnë se kjo teori është e saktë.

Gjegjësisht, trupi i njeriut përdor mekanizma të ndryshëm metabolikë dhe hormonalë, siç është ngadalësimi i metabolizmit kur zvogëlohet marrja e kalorive, kështu që në vend që të humbni kilogramë, ju ruani peshën aktuale trupore.

Pyetja është nëse përpjekja për të humbur peshë nën një “pikë të caktuar” është e kotë , sepse trupi juaj do të luftojë, edhe pse e di se nuk mund të fitojë. Përgjigja, për kënaqësinë e të gjithëve, është jo, sepse menaxhimi i peshës është më i ndërlikuar se kaq.

Shumë parametra kontrollojnë peshën, duke përfshirë gjenetikën dhe faktorë të shumtë të jashtëm, si stresi ose zakonet dietike. Kjo është arsyeja pse disa njerëz mund të humbasin peshë papritmas dhe të mbajnë përgjithmonë një peshë më të ulët trupore, dhe disa luftojnë për një kohë të gjatë me humbjen e një numri të vogël kilogramësh.

Mënyra e saktë dhe e rekomanduar do të ishte ndjekja e një plani të sigurt dhe gradual të humbjes së peshës , në mënyrë që trupi juaj të përshtatet me të gjitha ndryshimet me kalimin e kohës.

Nëse papritur e kufizoni dietën tuaj në një numër të vogël kalorish, trupi juaj mund ta perceptojë këtë si një paralajmërim dhe do të ruajë depozitat e yndyrës në mënyrë që të qëndrojë në të njëjtën peshë. Kështu që shmangni dietat strikte dhe urinë.

Provoni një humbje graduale të peshës që ju lejon të ruani linjën e dëshiruar për një kohë të gjatë duke iu përmbajtur zakoneve të të ushqyerit të shëndetshëm./FrontOnline/