Rritja e rasteve të infektimeve me Covid-19, ditët e fundit ka shënuar rritje.

Vetëm sot janë regjistruar 213 raste pozitive me Covid-19.

Ani pse ka rritje të rasteve, në infektivë aktualisht janë duke u trajtuar me këtë virus 8 pacientë.

Kështu ka bërë të ditur drejtori i kësaj klinike, Arben Vishaj.

“I kemi 8 pacientë me Covid, gjendja e tyre është stabile. Ne i kemi pacientët në një repart, vetëm gjysma e repartit është e mbushur”, tha ai për Front Online.

Vishaj thotë se ende nuk ka nevojë për hapjen e reparteve të tjera.

“Klinika infektive i ka 125 shtretër, ne i kemi vetëm 8 pacientë të shtruar. Nuk ka nevojë për hapje të reparteve tjera”, tha ai për Front Online.

Derisa foli për situatën me Covid-19, Vishaj bën thirrje që të respektohen maksimalisht rekomandimet e IKSHPK-së, dhe vendimet e ministrisë.

Në 24 orët e fundit janë shëruar 35 qytetarë, ndërsa në total numri i rasteve aktive është 1,244.

Prej fillimit të vaksinimit në të gjitha qytetet e Kosovës janë dhënë 1,830,795 doza të vaksinës.

Deri më sot 823,798 qytetarë janë vaksinuar me dozën e dytë./Front Online/