Gjyqi i parë i një ushtari rus për krime lufte pas pushtimit rus duhet të fillojë sot në Kiev, raporton BBC. Ushtari 21-vjeçar Vadim Shishimarin akuzohet për vrasjen e një civili të paarmatosur në ditët pas fillimit të pushtimit. Ai përballet me burgim të përjetshëm nëse shpallet fajtor. Ukraina thotë se ka identifikuar mijëra krime të mundshme lufte të kryera nga Rusia, ndërsa Moska ka mohuar vazhdimisht se ka shënjestruar civilët.
Prokurorët thonë se Shishimarin ishte duke hipur në një automjet të vjedhur me ushtarë të tjerë në rajonin verilindor të Sumy, kur hasën në një çiklist 62-vjeçar duke përdorur një telefon.
Ata thonë se Shishimarin u urdhërua të qëllonte mbi civilët për t’i penguar ata të zbulonin vendndodhjen e tyre për mbrojtësit ukrainas.
“Me këtë gjyq të parë, ne po dërgojmë një sinjal të qartë se asnjë autor, asnjë person që ka urdhëruar apo ndihmuar në kryerjen e krimeve në Ukrainë nuk do t’i shpëtojë përgjegjësisë”, tha kryeprokurorja Irina Venediktova./FrontOnline/