Policia ka dhënë detaje rreth aksidentit të mbrëmshëm që ndodhi në Ferizaj, ku një automjet dhe një traktor ishin përfshirë në një aksident trafiku.

Sipas policisë, deri te aksidenti ka ardhur pasi automjeti nuk kishte përshtatur distancën e lëvizjes ndërkaq traktoristi nuk kishte pasur drita sinjalizuese.

“Një veturë me targa vendore dhe një traktor me ngasës meshkuj kosovar, si pasoj e mos mbajtjes së distancës gjatë lëvizjes nga ana e drejtuesit të veturës si dhe drejtimi i traktorit pa drita sinjalizuese nga ana e drejtuesit të traktorit, janë përfshirë në aksident trafiku në mes veti”, thuhet në njoftimin e policisë.

Si pasojë e aksidentit lëndime trupore ka pësuar drejtuesi i traktorit. I lënduari është dërguar në tretman mjekësorë në QKUK.