Mercedes-Benz do të ofrojë një seri prej vetëm 200 modelesh speciale G-Class në tregun amerikan. Mercedes-Benz G-Class Edition 550 do të jetë i disponueshëm për klientët amerikanë me një zgjedhje prej tre ngjyrash (Jupiter Red, Arabian Gray dhe Moonlight White), me mbrojtje të përparme, rrota të zeza dhe një distinktiv të edicionit special me siluetën e këtij SUV për ngjitje mali.
Për më tepër, ka brendësi prej lëkure Nappa me dy ngjyra, sedilje të përparme aktive me shumë konture, detaje me fibra karboni, si dhe emërtimin “1 nga 200 Edition 550”.
Nën kapak është një motor 4.0-litërsh dy-turbo V8 me 310 kW / 422 kf dhe 610 Nm, i çiftuar me një marsh automatik me 9 shpejtësi dhe tërheqje 4×4.
Në lajmet e shkurtra nuk ka asnjë informacion për çmimin e kësaj G class speciale./FrontOnline/
