Ceremonia e 94-të prestigjioze e Oscar-it këtë vit do të drejtohet nga tre aktoret Regina Hall (51), Amy Schumer (40) dhe Wanda Sykes (57), shkruajnë mediat e huaja.

Kanë kaluar 35 vjet që prej se tre persona kanë drejtuar spektaklin më të madh të Hollivudit, por asnjëherë më parë kaq shumë femra nuk kanë dalë në skenë brenda një nate në rolin e drejtueses së spektaklit në ceremoninë e ndarjes së çmimeve prestigjioze.

Hollywood Reporter raportoi javën e kaluar se ceremonia e Oskarit, e prodhuar nga Will Packer dhe me regji nga Glenn Weiss , do të organizohet nga tre persona. Është shkruar se Packer dhe skuadra pas ceremonisë së Oskarit janë në kërkim të tre prezantuesve për të drejtuar shfaqjen, jo një person, dhe se ata synojnë të punësojnë aktorë ose aktore të talentuar që do të jenë interesante për një audiencë të ndryshme.

Të hënën u konfirmua se secila nga tre aktoret do të udhëheqë një orë të ceremonisë dhe Schumer do të jetë koordinatori kryesor. Përfaqësuesit e Akademisë së Arteve dhe Shkencave të Filmit dhe Schumer, Hall dhe Sykes nuk iu përgjigjën kërkesës së Vanity Fair për koment.

Por paqartësia do të vazhdojë për një kohë të shkurtër pasi emrat e tre aktoreve duhet të shpallen zyrtarisht këto ditë./FrontOnline/