Aktorja  Sofia Vergara është fotografuar në xhirimet e serialit të ri të Netflix ‘Griselda’, në të cilin shfaqet në rolin e personazhit kryesor Griselda Blanco. Për rolin e mbretëreshës së kartelit të drogës, Vergara duhej të hiqte dorë nga imazhi i saj tërheqës i njohur dhe është e vështirë ta njohësh atë.

Sofia ishte duke pushuar në diell gjatë xhirimeve para se të shkonte në dhomën e zhveshjes dhe dhomat e grimit, ku pësoi një transformim të vërtetë.

Nisur nga fotot, ylli i ‘Modern Family’ do të ketë hundë protetike në serial dhe duket se grimierët i kanë ndërruar mjekrën dhe rralluar vetullat.

Fansat e saj arritën në përfundimin se Vergara nuk është dukur kurrë më keq, por ata e vlerësuan përpjekjen sepse do të portretizojë më mirë mbretëreshën e famshme të drogës.

Producenti i serialit ‘Griselda’ është Eric Newman , krijuesi i mega -popullor ‘Narcos’ , dhe komploti do të ndjekë jetën e famëkeqes kolumbiane Griselda Blanco. Është interesante se Griselda krijoi një nga kartelet më të suksesshme të drogës në histori, por ajo njihej si një nënë e kujdesshme.

Të gjashtë episodet e serialit do të drejtohen nga regjisori kolumbian  Andres Baiz  (47), i cili tha se Vergara tregoi talent të jashtëzakonshëm në këtë projekt dhe i dha maksimumin aktrimit./FrontOnline/