Policia e Kosovës ka ndaluar një person të dyshuar për prezentim të rrejshëm.
Sipas raportit 24-orësh të policisë, njësia patrulluese e policisë në fshatin Sarpel të Leposaviqit, dje ka hasur të dyshuarin mashkull kosovar i cili kishte veshur një xhaketë me mbishkrimin “Police”.
“Fsh. Sarpel, Leposaviq 26.01.2022 – 12:35. Njësia patrullues ka ndaluar të dyshuarin mashkull kosovar pasi që i njëjti ka pasur të veshur një xhaketë me mbishkrimin ‘police’, i dyshuari nuk është pjesë e policisë. Në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt”, njofton policia.
