Gazetarja sportive italiane Diletta Leota dhe aktori turk Jan Jaman kanë qenë nën syrin vigjilent të publikut, si për shkak të karrierës ashtu edhe për shkak të lidhjes së tyre romantike.

Gjatë gjithë verës, kolonat e mediave italiane dhe turke u mbushën me fotografi dhe histori dashurie të Dilettas dhe Janit të njohur. Ndërsa fansat e aktorit që ata e quajnë “Sandokani turk” nuk mund ta pranonin Dilettan si zgjedhjen e tij, edhe fansat meshkuj të gazetares së bukur italiane, kishin kundërshtime ndaj zgjedhjes së saj.

Çifti kohët e fundit u ndanë, dhe siç u interpretuan shumë, pikërisht për shkak të presionit të publikut, veçanërisht presionit në rrjetet sociale.

Tani, gazetarja, si e ftuar në emisionin italian, pranoi se ajo ishte në një lidhje me aktorin e përmendur turk që nga janari 2021, por se historia e tyre e dashurisë nuk zgjati shumë.

“Ai më propozoi pas një muaji. Ishte shumë shpejt për mua, në atë moment”, tha Leota. “Gjithçka me Janin ishte një histori e mrekullueshme. Një ëndërr e vërtetë. Një përrallë e vërtetë, dashuri me shikim të parë. Ne jemi dytë tridhjetë vjeçarë që u dashuruam sinqerisht. Por … As nuk ishte e lehtë, sepse edhe pse u përpoqëm, ishte e vështirë për intimin tonë të mbante pjesë të jetës nga publiku, dhe punët na e bënë të vështirë”, tha Diletta, e cila nuk donte të zbulonte më shumë detaje rreth ndarjes./FrontOnline/