Ashtu si mijëra njerëz, Dave Smith u infektua me koronavirus në fillim të valës së parë në Mbretërinë e Bashkuar në vitin 2020.

Por ndërsa shumica e njerëzve, përfshirë ata që vuajnë “Covid të gjatë”, e eliminojnë virusin e gjallë nga trupat e tyre brenda dy javësh , po Smith përjetoi një lloj shumë të ndryshëm të problemit afatgjatë: një infeksion të vazhdueshëm që zgjati më shumë se 290 ditë, ose gati 10 muaj. Ky ka qenë infeksioni aktiv më i gjatë i regjistruar Covid-19 deri më tani.

Gjatë asaj periudhe, Smith, 72 vjeç, nga Bristol, regjistroi 42 teste pozitive PCR dhe u shtrua në spital shtatë herë. Ai tha: “Sa herë që shkoja keq, shkoja vërtet keq – deri buzë vdekjes. Gruaja ime filloi të organizonte një funeral pesë herë. ”

Në një intervistë në të cilën ai zbuloi përvojën e tij tronditëse dhe të rrallë për herë të parë, ai shtoi me shaka: «Unë thirra gjithë familjen për të bërë paqen me ta. Tani do të doja ta kisha mbajtur gojën mbyllur.”