Real Madridi dhe Liverpooli do të përballen sonte në kuadër të ndeshjes së parë çerekfinale në Ligën e Kampionëve.

Ndeshja do të zhvillohet në “Alfredo di Stefano” në Madrid me fillim nga ora 21:00, shkruan FrontOnline.

Kjo ndeshje do të jetë si një revansh i finales së Ligës së Kampionëve 2018, kur “Los Blancos” fituan 3:1 në Kiev ndaj “Të Kuqve”.

Real Madridit sonte do t’i mungojnë Eden Hazard dhe Sergio Ramos për shkak të lëndimeve.

Gjithashtu, madrilenët do të luajnë edhe pa Dani Carvajalin dhe Federico Valverden.

Ndërkaq, mysafirët do të duhet të luajnë sonte pa Virgil van Dijkun, Joe Gomezin, Joel Matipin.

Formacionet e mundshme:

Real Madrid: Thibaut Courtois, Lucas Vazquez, Raphael Varane, Nacho, Ferland Mendy, Luka Modric, Casemiro, Toni Kroos, Marco Asensio, Karim Benzema, Vinicius Junior

Liverpool: Alisson, Trent Alexander-Arnold, Nathaniel Phillips, Ozan Kabak, Andy Robertson, Thiago, Fabinho, Georginio Wijnaldum, Mohamed Salah, Diogo Jota, Sadio Mane./FrontOnline/