Qeveria e Kosovës ka marrë masa të reja mbrojtëse sot kundër virusit COVID-19.

Megjithatë, për këto masa nuk është konsultuar paraprakisht Asociacioni i Komunave të Kosovës.

Drejtori Ekzekutiv i Asociacionit të Komunave të Kosovës, Sazan Ibrahimi ka thënë se kjo është hera e parë që një gjë e tillë ndodh, kur Qeveria merr masa të reja po u konsultuar fare me Asocionin e Komunave të Kosovës.

“Komunat përmes Asociaconit nuk kanë qenë të konsultuara. Është prishur tradita e bashkëpunimit dhe konsultimit në mes nivelit qendror dhe atij lokal sa i përket masave Anti-Covid. As komiteti ndër institucional Anti-Covid-19, komitet në të cilin janë përfaqësues të shëndetësisë, policisë, komunave, inspektorateve lokale dhe qendrore, nuk është mbledhur për të diskutuar për këto masa. Komunat gjithmonë kanë treguar gatishmëri të plotë për bashkëpunim në mënyrë që situata me COVID të përmirësohet, mirëpo këtë herë me komunat nuk ka pasur proces të mirëfilltë të konsultimit. Bordi i AKK, organi përfaqësues i komunave dje ka dalur me deklaratë sa i përket masave të reja te parapara Anti-Covid 19”, ka thënë ai.

Ibrahimi ka thënë se edhe gjatë ditës së djeshme dhe të sotme ka pasur reagime të përfaqësuesve komunal rreth masave të reja, ku edhe nuk janë përkrahur ato.