Në klinikat në QKUK dhe në spitalet rajonale nëpër Kosovë janë duke u trajtuar 900 pacientë me COVID-19.

Prej tyre 749 janë të konfirmuar si pozitivë me virusin Sars-CoV-2, ndërsa 151 janë të dyshuar dhe në pritje të rezultateve.

Nga pacientët 33 janë në gjendje të rënduar shëndetësore e 707 janë me oksigjeno-terapi.

Në QKUK janë të shtrirë 364 pacientë, prej tyre 15 në gjendje të rëndë e 320 me oksigjeno-terapi.

Në Klinikë Infektive janë 115 pacientë, në Klinikën Infektive II ( mjekësia sportive) 85 pacientë, në Klinikën Infektive III ( Interno) 49 pacientë, në Klinikën e Pulmologjisë 86 pacientë, te Mjekimi Intensiv -COVID 15 pacientë, te Klinika e Pediatrisë 11 pacientë dhe te ajo e Gjinekologjisë tre pacientë.

Në spitalet e përgjithshme janë të shtrirë 536 pacientë, 18 prej tyre në gjendje më të rëndë, e 387 me oksigjeno-terapi.

Në Spitalin e Prizrenit janë të shtrirë 122 pacientë me COVID-19, në atë të Gjakovës 95 pacientë, të Pejës 83 pacientë, të Gjilanit 106 pacientë, të Ferizajt 66 pacientë, të Mitrovicës 42 pacientë dhe të Vushtrrisë 22 pacientë./Front Online/