Në mëngjesin e së enjtes një  veturë ka marrë flakë në Prishtinë.

Në ndihmë të shoferit  kanë dalë qytetarët që ishin duke kaluar.

Zëdhënësi i Policisë së Kosovës në rajonin e Prishtinës, Agron Borovci ka bërë të ditur se menjëherë kanë dalë në vendin e ngjarjes dhe janë marrë me rastin, ku thekson se nuk ka të lënduar.

“Rreth orës 10:00 është raportuar për një veturë të përfshirë nga zjarri në rrugën  “Robert Doll” në Prishtinë. Policia menjëherë ka dalë në vendin e ngjarjes, po ashtu edhe zjarrfikësit të cilët e kanë menaxhuar  përhapjen e zjarrit”, tha Agron Borovci, zëdhënësi i Policisë së Kosovës për rajonin e Prishtinës./Front Online