77 pacientë të infektuar me COVID-19 po trajtohen në Spitalin e Pejës. Nga spitali kanë njoftuar se 60 pacientë janë në oksigjenoterapi dhe 16 të tjerë janë në gjendje më të rëndë shëndetësore.
“Nga numri i përgjithshëm i pacientëve të shtrirë 77 pacientë janë duke u trajtuar me Covid-19. Sa i përket gjendjes së pacientëve: 3 pacientë janë në Respirator (CPAP), 60 pacientë janë në Oksigjeno terapi ndërsa nga këta 16 pacientë janë në gjendje më të rëndë, ndërsa 6 pacientë është shëruar gjatë 24 orëve të fundit”, kanë njoftuar nga spitali.
254 pacientë janë në total të shtrirë aktualisht në Spitalin e Përgjithshëm në Pejë. Gjatë 24 orëve të fundit në Spitalin e Përgjithshëm në Pejë, 347 pacientë kanë kryer vizita Specialistike dhe nga këta 33 pacientë janë shtrirë për trajtim të mëtutjeshëm, ndërsa 34 Pacientë janë liruar pas trajtimit që i është ofruar.