Ambasadori i Bashkimit Evropian në Kosovë, Tomas Szunyog, pas konstituimit të legjislaturës së tetë të Kuvendit të Kosovës tha se shpreson që të sheh një kuvend funksional dhe konsensus politik për agjendën evropiane dhe çështjet me interes të qytetarëve.

Ai në një postim në Twitter shkruan se është thelbësore që deputetët të bashkohen rreth objektivave të përbashkëta.

“Mirëpres formimin e Kuvendit të Kosovës. Është thelbësore që deputetët të bashkohen rreth objektivave të përbashkëta dhe të adresojnë çështjet e ngutshme për Kosovën. Shpresoj të shoh një Kuvend funksional… dhe konsensus politik për agjendën evropiane dhe të gjitha çështjet me interes të qytetarëve. Më të fortë së bashku”, shkruan Szunyog.