Ushtruesi i detyrës së kryetarit të PDK’së, Enver Hoxhaj, ka thënë se emisari i BE’së për dialogun Kosovë-Serbi, Miroslav Lajçak, e fyeu Kosovën me hartën e tij në prapavi ku shihej Kosova si pjesë e Serbisë.
Hoxhaj tha se Lajcka e ka lënduar edhe vetën si ndërmjetësues për shkak se ai përfaqëson Bashkimin Evropian.
“Lajçak me atë hartë e ka fyer Kosovën dhe e ka lënduar vetën si ndërmjetësues, sidomos kur kemi parasysh që ai përfaqëson Bashkimin Evropian”, është shprehur Hoxhaj.
“Nëse kemi parasysh vendin e tij të origjinës, Sllovakinë, dhe faktin që Kosova dhe Serbisë janë që dhjet vjet në dialog, e tash shfaqet si ndërmjetës i BE’së me një hartë të tillë… unë mendoj se është fyerje”, ka thënë Hoxhaj në Klan.
Tutje, Hoxhaj tha se këto fjalë do t’ia thotë Lajçakut javën e ardhshme kur ky i fundit do të vijë në Prishtinë.
“Javën e ardhshme vjen në Prishtinë, dhe do t’ia them (Lajçakut) atë që e thash edhe këtu”, shtoi Hoxhaj.
