Betim Gjoshi nga PDK-ja thënë se vendimi i fundit i Gjykatës Kushtetueses vetëm sa ka forcuar Ligjin për Zgjedhje.

Ai ka thënë se KQZ ka vepruar drejt në moscertifikimin e disa kandidatëve që kanë problem me ligjin duke thënë se padrejtësisht u ushtrua presion mbi këtë institucion.

Ai është i bindur se me këdo që vendos në listë kjo parti, PDK-ja do ta mposhtë.

“Ne si PDK nuk duam që askush të privohet prej zgjedhjeve. Ata i mirëpresim në garë dhe do të mundim me punën tonë dhe angazhimin përmes planit për rimëkëmbje, me deputetët e mirë që i kemi dhe s’kanë probleme me ligjin dhe me kriteret që i kemi vendosur në të kaluarën”.

“Dëshira jonë si PDK do të ishte që ata të jenë pjesë e procesit zgjedhor. Neve nuk na pengon kënd e kanë në listë në aspektin politik sepse edhe ashtu kur e kanë pasë në listë Albinin e Albulenën dhe të tjerët i kemi mundur pesë-gjashtë herë në zgjedhje. Kështu që s’e kemi problem me i mund prapë. Ne jemi të përgatitur që këdo që ata e fusin në listë ne të hymë në proces zgjedhor, por e kemi parë një situatë në Kosovë që për mua si qytetar ka qenë e frikshme”, tha Gjoshi në Info Magazine.