Zëvendëspresidentja e zgjedhur, Kamala Harris, do të japë zyrtarisht dorëheqjen nga roli i saj si senatore e Kalifornisë të hënën. Kjo lëvizje do t’i japë fund mandatit të vetëm 4-vjeçar të saj.
Të mërkurën, Harris do të betohet si zëvendëspresidente e Shteteve të Bashkuara gjatë ceremonisë së inaugurimit. Ajo po bën histori pasi është gruaja e parë, personi i parë me ngjyrë dhe me prejardhje nga Azia Jugore që mbulon këtë rol.
Me fitoren e dyfishtë të demokratëve në Georgia, Harris do të ketë fuqi të çojë përpara çdo legjislacion, emërim juridik dhe nominim kabineti në Kongres. Vendin e saj në Senat do të zëjë Alex Padilla, sekretar shteti i Kalifornisë.
