Ministria e Infrastrukturës njofton se sipas informatave të siguruara nga terreni për mirëmbajtje verore dhe dimërore, gjendja e rrugëve në gjithë vendin është e mirë.

Në rajonin e Gjilanit gjendja e rrugëve është e mirë, ka pasur lagështira në rrugë mirëpo është hedhur kripë sipas nevojës.

Ndërsa në regjionin e Prizrenit, kryesisht rrugët ishin mirë, intervenime me kripë kishte në drejtimin Prizren-Caralevë , gjithashtu edhe në Prizreni 2 është intervenuar në shperndarjen e kripës në rrugët Prizren – Prevallë , Zhur -Dragash- Restelicë, Dragash-Brod.

Në Autostradën A7, segmenti Morinë-Gjurgjicë, kishte intervenime me kripë në drejtimin Suharekë-Morinë dhe drejtimin Suharekë –Gjurgjicë.

Në orët e hershme të mëngjesit dhe në mbrëmje ka pasur temperatura mjaft të ulëta dhe si rrjedhojë bëhet shpërndarja e kripës në të gjitha rrugët e regjionit Peja 1. Të gjitha rrugët janë kalueshme.

Auto-udha R6 Hani i Elezit, si dhe auto-udha A6 Konjuh-Doganaj, si dhe regjioni i Ferizajt janë krejtësisht e lira për qarkullim.

Ështe intervenuar në shpërndarjen e kripës në të gjitha rrugët: Prizren – Prevallë , Zhur -Dragash- Restelicë.

Në aksin rrugor N9 Pejë-Kuqishtë-Bogë, në kilometrin e 18 kishte një rreshqitje masive të dheut mbrëmë diku rreth orës 20:00, ekipet tona kanë punuar vazhdimisht me makineri eskavator dhe lugë ngarkuese dhe diku rreth orës 23:00 është bërë hapja e rrugës, gjatë ditës së sotme vazhdohet me largimin e masës së dheut nga rruga. Duhet cekur se nga kilometri i 20-të, e tutje ka reshje të mëdha të borës. Vazhdimisht bëhet largimi i borës dhe shpërndarja e kripës sipas nevojës. Po ashtu në rrugët tjera të regjionit Peja 1 ka reshje të borës e përzier me shi .

Në rrugët e Gjakovës, Gjilanit dhe në Auto-udhën Doganaj- Hani i Elezit, s’ka pasur asnjë intervenim, rrugët janë krejtësisht e lira për qarkullim.