Sipas të dhënave të publikuara në faqen votaime.org të Institutit Demokratik të Kosovës, rezulton se deputeti i LDK-së Shkëmb Manaj, ka marr pjesë të gjitha seancat e Kuvendit të Republikës së Kosovës(59).

Po ashtu, sipas të dhënave të siguruara nga administrata, Manaj nuk ka munguar asnjëherë në mbledhjet e Komisionit për Legjislacion (31 mbledhje) ku e përfaqëson LDK-në si dhe ka marr pjesë në të gjitha takimet e grupeve punuese ku ka qenë i caktuar me vendim (13 takime).

Përveç pjesëmarrjes, deputeti Manaj, ka qenë aktiv edhe në diskutime në të gjitha këto trupa të Kuvendit dhe në plotë debate tjera të organizuara për punën e Kuvendit si dhe për zhvillimet politike në vend.

Shkëmb Manaj është kryetar i Komisionit të përhershëm për Legjislacion, Mandate, Imunitete, Rregullore të Punës dhe mbikëqyrje të Agjencisë Kundër Korrupsionit, i cili gjatë këtij viti, krahas Komisionit për Buxhet, ka qenë Komisioni me aktiv i Kuvendit të Kosovës, me 31 mbledhje të organizuara dhe 133 pika të shqyrtuara.