Për shkak të reshjeve të borës, janë shkaktuar dëme në rrjetin elektrik në Deçan.
Kështu ka bërë të ditur kryetari i Komunës së Deçanit, Bashkim Ramosaj.
Ai ka thënë se shkaku i reshjeve të dëborës është ndërprerë furnizimi me energji elektrike në këtë qytet të shtunën.
“Të dashur qytetarë, bora që ka rënë gjatë natës, ka shkaktuar avari në rrjetin elektrik. Ekipet e KEDS-it janë duke punuar në teren për riparimin e kësaj avarie”, ka shkruar ai në rrjetin e tij social Facebook.
Ndërsa, ndërprerje të energjisë elektrike ka pasur edhe në komunat tjera.