Mërgata kosovare u përfol shumë kohëve të fundit për dy arsye: të hyrat e mëdha që po sjellin në Kosovë,e që gati kapin shifrën e 1miliard eurosh, si dhe deklaratën e gazetarit Valon Syla në të cilën i cilësoi si “gërrnaçë”.
Pas kësaj deklarate, shumë qytetarë po shprehin dashurinë dhe përkrahjen ndaj mërgimtarëve, duke e përdorur të njëjtën fjalë, në një konotacion ironik e rrjedhimisht pozitiv.
Një mënyrë kreative për ta bërë këtë, ka gjetur një vushtrrias i cili në xhamin e veturës ka vendosur mbishkrimin “I duam gërrnaçat”, në mënyrë që sa më shumë mërgimtarë ta shohin mesazhin.