Sot në Komunën e Malishevës, 10 persona me COVID-19 janë shëruar nga ai ndërsa janë regjistruar edhe 2 raste të reja. Kështu kanë bërë të ditur nga Komuna e Malishevës.

Nga kjo komunë kanë thënë se deri tani si pasojë e COVID-19 kanë vdekur 32 persona, ndërsa edhe 56 raste aktive janë me këtë virus në këtë komunë.

“Gjendja e përgjithshme me covid-19 në Komunën e Malishevës, është kjo: Nga data 14 mars 2020, e deri më sot, në Komunën e Malishevës, janë regjistruar 531 raste me covid-19, prej tyre 443 janë shëruar, 32 kanë vdekur dhe aktiv me covid-19 janë edhe 56 raste”, është bërë e ditur për media.

Rastet e reja janë regjistruar në Mleqan dhe Carrallukë.