Njohësi i çështjeve ligjore, Albert Krasnqi ka thënë se është i gabueshëm interpretimi se Vjosa Osmani nuk mund të formojë parti të re politike sa është ushtruese e detyrës së presidentes.
Krasniqi ka përmendur një aktgjykim të Gjykatës Kushtetuese të vitit 2010 për të argumentuar se Vjosa Osmani ka të drejtë të formojë subjekt politik.
“Interpretimi se Ushtruesja e Detyrës së Presidenti nuk ka të drejtë të formojë parti politike është i gabuar”, ka thënë Krasniqi.
Sipas tij, aktgjykimi ka thënë se nuk është në papajtueshmëri me Kushtetutën nëse Osmani në këtë rast ushtron edhe funksione partiake., raporton express.
“Në vitin 2010, Jakup Krasniqi si U.D. i Presidentit i ishte drejtuar Gjykatës Kushtetuese me pyetjen se “a i ndalohet mbajtja dhe ushtrimi i postit të Sekretarit të Përgjithshëm të PDK-së”.Gjykata kishte vendosur që nuk ka ndalim për ushtruesin e detyrës së Presidentit për ushtrimin e funksioneve në parti politike, dhe se mbajtja dhe ushtrimi i përkohshëm i funksioneve të Presidenti dhe njëkohësisht ushtrimi edhe i postit të Sekretarit të PDK-së nuk është në papajtueshmëri me Kushtetutën (Aktgjykimi Nr. KO 97/10)”, ka shktuar Krasniqi.
