Komisioni Qendror i Zgjedhjeve ka publikuar sot rezultatet përfundimtare për zgjedhjet e jashtëzakonshme komunale në Podujevë dhe Mitrovicë të Veriut.

Në një konferencë për media është bërë e ditur se kandidati i LVV-së për kryetar të komunës që ka dalë i pari në zgjedhje, Shpejtim Bulliqi ka marrë 18 mijë e 286 vota, që përkthyer në përqindje i bie 51.9%.

I dyti në zgjedhje ka dalë Nexhmi Rudari i LDK-së me 12 mijë e 627 vota apo 35.8%.

Ndërkaq, Naim Fetahu i PDK-së ka marrë 4 mijë e 341 vota apo 12.3%.

Në konferencën e sotme janë bërë të ditura edhe votat që kanë marrë kandidatët për kryetar të Mitrovicës së Veriut.

Në komunën e Mitrovicës Veriore, LVV me kandidatin Erden Atiq 4.0 përqind, kandidati i pavarur Dusan Milunoviq 2.9 përqind, Lista Serbe me kandidatin Milan Radojevic 89.5 përqind dhe kandidati i PDK-së, Florent Azemi me 3.6 përqind./FrontOnline/