Kancelarja gjermane, Angela Merkel ka paralajmëruar se masat kufizuese ndaj COVID-19 do të vazhdojnë edhe gjatë festave të fundvitit.

Masat kufizuese të vendosura për të ngadalësuar përhapjen e koronavirusit në Gjermani do të jenë në fuqi të paktën në fund të dhjetorit dhe ndoshta më gjatë, ka thënë kancelarja Angela Merkel.

“Duke pasur parasysh numrin e lartë të infeksioneve, ne supozojmë se kufizimet që janë në fuqi para Krishtlindjeve do të vazhdojnë të jenë të vlefshme deri në fillim të Janarit, sigurisht për shumicën e pjesëve të Gjermanisë”, deklaroi ajo, raporton The Guardian.

“Për fat të keq, duhet të themi se nuk mund të premtojmë një lehtësim për Krishtlindjet dhe Vitin e Ri”, shtoi ajo.

Merkel konfirmoi se gjermanët do të lejohen të mblidhen në grupe me 10 vetë gjatë Krishtlindjeve. Por ajo e nxiti publikun të kujtojë se atje rreth 27 milionë gjermanë të pambrojtur që nuk mund të mbrohen.

Ajo gjithashtu tha se numri i rasteve të COVID-19 në Gjermani ishte “duke ngecur në një nivel të lartë – shumë të lartë”./FrontOnline/