6 shatori ishte data kur të gjitha subjektet politike dorëzuan listat përfundimtare të kandidatëve për deputet për zgjedhjet e përgjithshme

Aty u vërejt se shumica e partive politike në listat e tyre kishin të njëjtët emra me shumë pak prurje të reja.

Njohësi i çështjeve politike në vend Armend Muja në një prononcim për Gazeta Blic ka theksuar se është e palogjikshme të pritet ndonjë ndryshim i madh në vend,  pasi mbi 80 % e kandidatëve janë thuajse të njëjtë.

“Nje vështrim me i thelle i partive dhe kandidateve ndërmjet 2014-2019 shpërfaq një tendence te frikshme te statizmit politik dhe rezistences ndaj evolucionit politik ne vend. Eshte e palogjikshme te pritet ndryshim ne te menduarit politik dhe ekonomik perderisa 80% e kandidateve ne keto 20 vite jane pothuajse te njëjte. Ne disa raste ka ricklim te kandidateve te partive tjera dhe shiten sikur prurje te reja” tha Muja.

Ndërsa sa i përket kriterit gjinor,  Muja thekson se përgjithësisht është respektuar, por sërish femrat më të zonjat mbeten jashtë listave.

“Eshte respektuar pergjithësisht kriteri gjinor, megjithatë, mjerisht femrat me te zonjat ne politikeberje ende mbeten jashtë listave politike. Ne përgjithësi ka pase një tendence qe ti iket nominimeve te kandidateve me afera korruptive por jo edhe atyre ne vepra te llojit tjetër penal”.

Në listat e kandidatëve për deputetë nga partitë politike janë radhitur edhe persona, të cilët kanë probleme me ligjin pavarësisht premtimeve të partive politike se nuk do ketë persona të tillë në lista.