Vitamina D ka dalë sërish në qendër të vëmendjes si një armë për të luftuar koronavirusin e ri, pas një serie studimesh.
Sipas Daily Mail, qeveria britanike po u kërkon shkencëtarëve të saj që të shqyrtojnë më tej ndikimin e kësaj vitamine te simptomat e koronavirusit.
Provat që kanë dalë janë kaq shpresëdhënëse, sa qeveria po planifikon të dërgojë suplemente të kësaj vitamine nëpër azile dhe në qendra të kujdesit social.
Që në fillimet e pandemisë u përfol se vitamina D, e njohur edhe si vitamina e rrezeve të diellit, të mbron nga virusi i ri.
Kjo vitaminë ndikon te sistemi imunitar i njerëzve. Ndërkohë, shkencëtarët kanë nisur një testim për të parë sa ndikon shtimi i sasisë së kësaj vitamine te simptomat. Vitamina D ndikon edhe te të tjera sëmundje të kësaj stine, por edhe në problemet respiratore.
