Ka përfunduar takimi në mes të kreut të LDK-së, Isa Mustafa, atij të AAK-së, Ramush Haradinaj dhe kryetarit të Nismas, Fatmir Limaj.
Pas këtij takimi për media është deklaruar Ramush Haradinaj e i cili konfirmoi se Ligji për Buxhetin për vitin 2021 dhe Ligji për Rimëkëmbje Ekonomike ishin dy temat kyçe të diskutimit, raporton Front Online.
“Është fundi i vitit dhe është obligim i Qeverisë që diku ne periudhën e ardhshme dy javore me i paraqitë Kuvendit për voton Ligjin për Buxhetin për vitin e ardhshëm në mënyrë që të zihen afatet ligjore”, ka thënë Haradinaj.
Haradinaj shpreson që do të kenë mbështetjen edhe të opozitës për votimin në lexim të dytë të Projektligjit për Rimëkëmbje Ekonomike.
“Besoj që do të kemi bashkëpunim jo vetëm me partnerët e koalicionit por edhe me partitë opozitare edhe për Ligjin për Rimëkëmbje Ekonomike në leximin e dytë. Pra takimi i sotëm ishte kryesisht rreth këtyre dy çështjeve”, ka thënë ai.
Për sa i përket temave të tjera që mund të jenë diskutuar në takim, Haradinaj tha se kanë folur por pa u ndalur në detaje, raporton Front Online.
“Diskutime për tema të tilla politike ka pasur vazhdimisht në të kaluarën por sot nuk diskutuam për tema të tilla. Ne i diskutojmë të gjitha temat politike ose kalojmë në to por kësaj here ky takim ka të bëj me rëndësinë apo me nevojën për tu mobilizuar për Ligjin për Rimëkëmbje Ekonomike sepse është me rëndësi që të kaloj por poashtu e kemi edhe Ligjin për Buxhetin që të mos humbin afatet kohor”, ka thënë ai.
/Front Online
https://www.facebook.com/FrontOnlineMedia/videos/703439923886023/?v=703439923886023¬if_id=1603390509665744¬if_t=live_video_explicit
