Ministrja e Punëve të Jashtme, Meliza Haradinaj Stublla, ka zhvilluar sot një bisedë telefonike me Koordinatorin Kundër Terrorizmit nga Departamenti i Shtetit Amerikan. Këtë e ka bërë të ditur vet Haradinaj Stublla përmes një shkrimi në llogarinë e saj në Twitter.
Haradinaj Stublla tregon se u diskutuan zhvillimet e fundit politike dhe të sigurisë në Kosovë dhe Rajon. Gjithashtu, në telefon diskutuan edhe për zbatimin e marrëveshjes së Uashingtonit.
“Kosova është krenare që i përket një bote që udhëhiqet nga Shtetet e Bashkuara të Amerikës”, shkruan Haradinaj Stublla.
“Në një thirrje të rëndësishme me Koordinatorit Kundër Terrorizmit në Departamentin e Shtetit, ambasadorin Nathan Sales, ku diskutuam për zhvillimet e fundit politike dhe të sigurisë, në Kosovë dhe Regjion. Gjithashtu u diskutua edhe për zbatimin e marrëveshjes së Uashingtonit”, shkruan Haradinaj Stublla.
Tutje, Haradinaj ka shkruar se ka informuar SHBA’të se Kosova është e përkushtuar në zbatimin e marrëveshjes së Uashingtonit.
“Informova Ambasadorin Sales se Republika e Kosovës mbetet e përkushtuar në zbatimin e të gjitha pikave të marrëveshjes dhe vlerëson thellësisht përkushtimin e lidershipit amerikan në zbatimin e angazhimeve tona të ndërmarra në marrëveshje”, shkruan Haradinaj Stublla.
Gjithashtu ajo tha se Sles vlerësoi lartë kontributin e Kosovës në luftën kundër terrorizmit.
“Kontributi i Kosovës në luftën kundër terrorizmit ndërkombëtar u vlerësua shumë, veçanërisht roli si anëtar në koalicionin Global kundër DAESH”, përfundoi Haradinaj Stublla.
https://twitter.com/MelizaHaradinaj/status/1314252561164230657?ref_src=twsrc%5Etfw%7Ctwcamp%5Etweetembed%7Ctwterm%5E1314252561164230657%7Ctwgr%5Eshare_3&ref_url=https%3A%2F%2Fwww.gazetaexpress.com%2Fministrja-haradinaj-flet-me-koordinatorin-amerikan-kosova-mbetet-e-perkushtuar-ne-zbatimin-e-marreveshjes%2F
