Mjekja amerikane Adeline Fagan, 28-vjeçe, ishte infektuar me koronavirus në fillim të korrikut dhe ndërroi jetë më 19 shtator, ku për dy muaj qëndroi e shtruar në spital.
Ajo punonte në repartin e emergjencës në Houston të Teksasit, ndërsa motra e saj pretendon se për shkak të mungesës së pajisjeve mbrojtëse është detyruar të përdorte të njëjtë maskë mbrojtëse.
Siç raporton “The Guardian”, pas shpërthimit të një vatre të COVID-19 në pjesën perëndimore të SHBA-ve, humbën jetën më shumë se 250 punonjës të shëndetësisë. Raportohet se në mesin e viktimave tëstafit mjekësor, dhjetëra prej tyre ishin nën moshën 30-vjeçe. Mesatarja e moshës së të vdekurve te personeli mjekësor është 57 vjeç, ndërsa në përgjithësi është 78 vjeç.