Turqia ka akuzuar Presidentin Emmanuel Macron për “islamofobi”, pasi ky i fundit bëri thirrje që Franca të ndajë veten nga separatizmi islamik.

18 muaj përpara zgjedhjeve presidenciale, kur pritet që të përballet me të djathtën, Macron e përshkroi islamin si fe në krizë.

Zëdhënësi i presidencës turke, Ibrahim Kalin, ka thënë që pretendimet e Presidentit francez janë shprehje provokative dhe të rrezikshme që nxisin anti-islamin dhe islamofobinë. Kalin komentoi deklaratat e Macron përmes një postimi në Twitter.
“Pretendimet e Macron për një krizë në Islam janë shprehje provokative dhe të rrezikshme që nxisin anti-islamizmin dhe islamofobinë. Franca po mundohet që të bëjë islamin dhe myslimanët kurban për gabimet dhe aventurat e vetes. Kjo është çmenduri”, ka thënë ai.

Çfarë tha Macron

Emanuel Macron njoftoi planin e tij të veprimit për të luftuar, siç deklaroi ai, “separatizmin islamik” dhe programin e tij “anti-shoqëror”, i cili pretendohet se është në veprim në Francë, duke njoftuar një seri masash në arsimin dhe rregullimin e arsimit të imamëve. Fjalimi i Macron vjen një javë pas një sulmi nga një i ri pakistanez në Paris, mes një gjykimi ngjarjen e janarit 2015, në Charlie Hebdo.

Duke vlerësuar se “Islami është një fe që po kalon një krizë kudo në botë sot”, Macron përshkroi gjerësisht atë që ai donte të thoshte me “separatizëm islamist” në Francë, gjë që sipas tij inkurajon “braktisjen e shkollës” midis fëmijëve, “zhvillimin e sporteve dhe praktikave kulturore” në komunitetet e mbyllura, apo siç tha, “indoktrinimi dhe mohimi i vlerave tona siç është barazia midis burrave dhe grave”.

Në një fjalim në Mureaux në zonën e Parisit, Macron theksoi se nuk do të ishte mirë të “stigmatizohen të gjithë muslimanët”.

“Ne duhet të themi se ekziston një islamizëm radikal që çon në mohimin e Republikës”, tha ai.

Macron njoftoi një seri masash të tilla si detyrimi që çdo shoqatë që kërkon një subvencion publik duhet të nënshkruajë një statut mbi sekularizmin, mbikëqyrjen e shtuar të shkollave fetare private dhe kufizime të rrepta të klasave të monitorimit nga shtëpia.

Projektligji për një seri masash të tilla do të paraqitet në një seancë qeveritare në 9 dhjetor dhe do të synojë forcimin e sekularitetit dhe të vlerave republikane, “115 vjet pas miratimit përfundimtar të ligjit 1905”, shtoi ai.

Emanuel Macron tha se ai kishte “rënë dakord me” Këshillin e Myslimanëve në Francë“, bashkëbiseduesi kryesor i autoriteteve shtetërore, që ky i fundit do të përfundonte punën për rregullimin e formimit të hoxhallarëve në vendin tonë jo më vonë se gjashtë muaj”.

“Në ripërtëritjen e vlerave republikane, ne së bashku duhet të kundërshtojmë ata që duan të na ndajnë”, tha ai.