Në 22 vjetorin e masakrës së Abrisë të Epërme, deputeti i Kuvendit të Kosovës, Rexhep Selimi ka kujtuar 23 anëtarët e rënë të familjes Deliu.

Në një postim në Facebook, Selimi ka thënë se emrat, gjaku dhe mosha e atyre që u vranë më 26 Shtator 1998, mbeten gjurmë të historisë sonë të cilën brezat e rinj duhet ta dijnë dhe ta mësojnë drejtë.

“Familja Deliu dhe Muliqi nga Abria e Drenicës u ekzekutuan dhe u masakruan nga Forcat serbe para 22 vitesh. Fëmijëve tanë duhet t’ju tregojmë se kush u sakrifikua që ata ta gëzojnë atdheun pa pushtues. Emrat, gjaku dhe mosha e atyre që u vranë më 26 Shtator 1998, mbeten gjurmë të historisë sonë të cilën brezat e rinj duhet ta dijnë dhe ta mësojnë drejtë”, ka shkruar ai.