Një 27-vjeçare, Sabrina Zalazar, ka ndërruar jetë një ditë më parë në Buenos Aires, Argjentinë. Në lidhje me këtë ngjarje të trishtë po merret në pyetke i dashuri i saj, Renzo Pancera.
“Daily Star” shkruan se e reja humbi jetën menjëherë pasi u dërgua në spital me një krah të thyer dhe hemorragji.
Ndërkohë 25-vjeçari u arrestua në shtëpinë e Sabrina Zalazar, ku edhe mendohet se dhunoi. Sipas mediave të huaja, boksieri akuzohet për vrasje të rëndë, dhunë ndaj një femre dhe shkaktimin e një aborti.
Madje thuhet se 27-vjeçarja e kishte denoncuar dy herë në polici të dashurin e saj për abuzimin në familje, në tetor 2019 dhe në shkurt të këtij viti. 27-vjeçarja ishte nënë e dy fëmijëve dhe ishte 5-muajshe shtatzënë.
Të dy fëmijët e Zalazar vijnë nga marrëdhënie të ndryshme dhe tani po qëndrojnë me baballarët e tyre përkatës.
“Renzo Pancera, ai e vrau atë, i mori jetën sikur nuk kishte asnjë vlerë dhe i mori nënën dy fëmijëve”, tha një anëtar i familjes së viktimës.
“E rrahu derisa mbeti pa ndjenja, i theu krahun dhe vrau foshnjën e saj. Miki nuk mund t’i rezistonte dhimbjeve dhe na la. Duam drejtësi që kjo të mos mbetet pa u ndëshkuar”, shtoi ai.
