Dy persona janë vrarë dhe një është plagosur në mbrëmjen e tretë radhazi të trazirave në qytetin amerikan të Kenoshas, të cilat filluan i vrasjes së një të riu me ngjyrë nga ana e policisë.
Policia tha se të tre personat u qëlluan, por nuk dhanë detaje se kush ishte i përfshirë, raporton BBC.
Trazirat shpërthyen në Kenosha pasi Jacob Blake u qëllua nga policia gjatë ditës së diele, transmeton Telegrafi.
Që nga ajo kohë njerëzit kanë kundërshtuar orën policore dhe i janë bashkuar protestave, të cilat nganjëherë janë bërë të dhunshme.
“Të shtënat rezultuan me dy vdekje dhe një viktimë e tretë u transportua në një spital pas lëndimeve të rënda, por jashtë rrezikut për jetën”, thuhet në deklaratën e policisë.
Ndryshe, guvernatori i Wisconsinit pohoi se do të dërgon më shumë trupa të Gardës Kombëtare në qytetin e Kenoshas.
