Zemaj: Do të kemi edhe 7 aparate për RT-PCR, 100 mijë teste PCR, 30 mijë teste rapide dhe 100 mijë teste serologjike

Lajme

Zemaj: Do të kemi edhe 7 aparate për RT-PCR, 100 mijë teste PCR, 30 mijë teste rapide dhe 100 mijë teste serologjike

FrontOnline

24 Gusht 2020

Ministri i Shëndetësisë, Armend Zemaj, së bashku me Kryeministrin Avdullah Hoti, kanë zhvilluar një takim me kryetarët e Komunave të Kosovës.

Pas këtij takimi, Zemaj ka njoftuar se po kryhen procedurat e blerjes së 7 aparateve të tjera për PCR në IKSHPK ku do të vihen në funksion në 6 qendrat rajonale të Shëndetësisë Publike (Mitrovicë, Pejë, Gjakovë, Prizren, Ferizaj e Gjilan).

“Së shpejti do të kemi edhe: 7 aparate për RT-PCR, 100 000 teste PCR, 30 000 teste rapide dhe 100 000 teste aerologjike”.

Më poshtë mund ta lexoni shkrimin e plotë të tij në Facebook:

Së bashku me kryeministrin e Kosovës, Avdullah Hoti, dhe anëtarët e tjerë të kabinetit qeveritar takuam kryetarët e komunave, për tu dakorduar për menaxhimin e pandemisë, përgatitjet për fillimin e mësimit dhe analizimin e efektit të masave ndaj Covid-19.
Sqarova se kemi një trend në rënie të pacientëve që kërkojnë mjekim dhe të rasteve pozitive.

Sipas IKSHPK-së, 65% të infektuarve e kanë kaluar këtë sëmundje, derisa rreth 30 % të rasteve janë ende aktive, shkalla e vdekshmërisë në mesin e të infektuarve është 3.7%.
Kemi rritur kapacitetet spitalore si në Prishtinë ashtu edhe në komunat e tjera. Kemi porositur 120 000 vaksina kundër gripit sezonal përmes UNICEF-it dhe po zhvillojmë procedura edhe për 380 000 të tjera.
Kapacitetet në sektorin publik kemi rritur me rreth 300 ventilatorë, derisa sa kishim vetëm 82 sish. Në sektorin privat janë licencuar 86 Institucione Shëndetësore Private për kryerje të testeve serologjike dhe PCR.
Po kryejmë procedurat e blerjes së 7 aparateve të tjera për PCR në IKSHPK ku do të vihen në funksion në 6 qendrat rajonale të Shëndetësisë Publike (Mitrovicë, Pejë, Gjakovë, Prizren, Ferizaj e Gjilan). Së shpejti do të kemi edhe: 7 aparate për RT-PCR, 100 000 teste PCR, 30 000 teste rapide dhe 100 000 teste serologjike.

Sot pranojmë një donacion të radhës nga UNICEF-i me 7.4 tonelata furnizime mjekësore. Nga USAID do të për pranojmë edhe 50 ventilatorëve/respiratorëve.
Kemi angazhuar 200 specialistë shëndetësorë të rekrutuar nga MSh dhe kemi hapur edhe konkursin për 1034 specializantë përfshirë dhe 48 nga Lugina e Preshevës dhe zona të tjera. Jemi në proces për t’i punësuar edhe 375 punonjës si staf mjekësor. Mbi 60 specialistë te tjerë do të rekrutohen në kuadër të një konkursi për angazhimin e specialistëve të papunë.
Është për keqardhje se në këtë kohë të vështirë kemi humbur mjekë dhe infermierë nga Covid-19.

Unë, KM dhe Departamentet tona në MSh përmes kontakteve me institucionet ndërkombëtare po përpiqemi të sigurojmë vaksinat kundër Covid-19, kurdo që ato zhvillohen dhe aprovohen.
Para fillimit të vitit të ri shkollor, pres që secili sektor të jetë sa më i fokusuar në ushtrimin e përgjegjësive brenda fushës së vet duke lehtësuar punën e MSh-së në menaxhimin e pandemisë në fazat e tjera.

30 aparate dhe edhe kemi mijë pcr rapide rtpcr serologjike të teste zemaj

Të fundit