Ministri i Shëndetësisë, Armend Zemaj, ka takuar ministrin e FSK-së, Anton Quni me të cilin ka biseduar për gjendjen e krijuar nga pandemia Covid-19.
Ai ka thënë se ministri Quni e ka njoftuar se FSK-ja është në gatishmëri dhe ka kapacitete mjekësore e logjistike për të ndihmuar në çfarëdo situate.
Ndërsa ka thënë se aktualisht është vënë në gjendje gatishmërie edhe “Batalioni i Mjekësisë” në kuadër të FSK
Ky është statusi i tij i plotë:
Me Anton Qunin, ministër i Forcave të Sigurisë së Kosovës/ FSK diskutuam për mbështetjen dhe gatishmërinë e FSK-së për të kontribuar në luftën kundër pandemisë Covid-19.
Anton Quni më njoftoi se FSK-ja është në gatishmëri dhe ka kapacitete mjekësore e logjistike për të ndihmuar në çfarëdo situate.
Aktualisht është vënë në gjendje gatishmërie edhe “Batalioni i Mjekësisë” në kuadër të FSK dhe në rast se është nevoja do të vihet plotësisht në shërbim të qytetarëve.
E falënderova z.Qunin për bashkëpunimin tonë dhe ndihmën e FSK-së që po e ofron në këtë betejë me Covid19.
I sqarova se Ministria e Shëndetësisë do të përkrah FSK-në me pajisje përkatëse mjekësore dhe në fuqizimin e personelit mjekësor.
Me vajzat dhe djemtë e FSK-së dhe të gjithë qytetarët do ta mposhtim virusin.
Respektoni rregullat!
Mbani distancën!
Vendosni maskat!
#QeveriaHoti
