Ministri i Punëve të Brendshme, Agim Veliu ka vizituar Inspektoratin Policor të Kosovës (IPK).

Veliu pas vizitës para gazetarëve ka thënë se do t’i ofrojë mbështetje IPK-së, në mënyrë që qytetarët ta kenë një polici profesionale dhe të besueshme.

“Unë premtova mbështetje, sepse qëllimi ynë i përbashkët është që ta kemi një polici profesionale të besueshme për qytetarët dhe partnerët ndërkombëtarë”.

“Unë do ta mbështes Inspektoratin edhe në çështje të tjera profesionale”, ka thënë ai.

Ndërsa u.d i kryeshefit të Inspektoratit Policor të Kosovës, Kushtrim Hodaj tha se ministrin Veliu e kanë njoftuar për punën e institucionit ai dhe sfidat me të cilat ballafaqohen.

“Ne jemi të gatshëm të marrim veprime edhe në kohë të pandemisë që të sigurohen qytetarët që masat nga qeveria po zbatohen mirë”.