Nënkryetari Ekzekutiv i Këshillit Atlantik të Shteteve të Bashkuara, Damon Wilson ka thënë se Qeveria e Serbisë dhe presidenti Aleksandar Vuçiq kanë bërë përpjekje për të zhvilluar marrëdhëniet midis Serbisë dhe Shteteve të Bashkuara, e cila ka tërhequr vëmendjen pozitive në Washington.

Në panelin në kuadër të Javës së 8-të të Beogradit të NATO-s, të organizuar nga CEAS, Wilson foli për marrëdhëniet midis Serbisë dhe SHBA, por edhe për dialogun midis Beogradit dhe Prishtinës, duke vlerësuar se e ardhmja e Serbisë është e bllokuar pa marrëveshje me Prishtinën, por edhe se “E ardhmja e Kosovës është më e keqe pa një marrëveshje të tillë “.

Ai vlerësoi se marrëveshja mund të zhbllokojë potencialin për të ardhmen e Serbisë, raporton Tanjug.

” Në këtë moment, përkundër sfidave me të cilat përballemi, është koha të jemi të guximshëm dhe të ndërmarrim rreziqe. Ne duhet të kuptojmë se e ardhmja e Serbisë është e bllokuar pa një marrëveshje dhe se përfitimet e partneritetit tonë nuk mund të realizohen plotësisht pa të. E ardhmja e Kosovës është edhe më e keqe pa një marrëveshje të tillë”, tha Ëilson.

Sipas tij një nga çështjet e fundit të mëdha strategjike në Evropë është vendi që Ballkani Perëndimor ka në të, dhe theksoi se Serbia dhe rajoni janë pjesë e Evropës dhe komunitetit transatlantik, transmeton Klan Kosova.