Deputeti i VV-së, Salih Zyba, ka reaguar pasi presidenti Hashim Thaçi dje ka vizituar Prekazin për të nderuar komandantin Adem Jashari.

Zyba ka thënë se vizitën e bëri për t’i mbushur bateritë para se Thaçi të shkojë në Hagë.

Ndërsa shton se derisa familja Jashari nuk e pranon në shtëpi për vizitë atë, as heronjtë e rënë të Jasharajve nuk do ta bënin një gjë të tillë.

“Paska shkuar Thaçi në Prekaz. Me i mbush bateritë e patriotizmit para se të shkojë në Hagë për t’u marrë në pyetje? Familja Jashari nuk e pranon në shtëpi. Dorën në zemër as heronjtë e rënë Jasharaj sa ishin gjallë nuk e pranonin”, ka shkruar ai në Facebook.Nesër, presidenti do të niset për Hagë, ku do të intervistohet, siç ka lajmëruar ai.Nga Zyra e Prokurorit Special në Hagë, Thaçi dhe kryetari i PDK-së, Kadri Veseli, është ngritur aktakuzë, ndër tjerash për 100 vrasje.