Kryeministri Avdullah Hoti ka thënë se Kosova mbetet e përkushtuar për proces paqësor të normalizimit të marrëdhënieve me Serbinë, dhe kjo sipas tij mund të ndodhë vetëm nëse respektohet shtetësia e njëra-tjetrës.
Deklaratat e tilla kryeministri i vendit i dha sot në Samitin virtual të Parisit, drejtuar Presidentit francez Emmanuel Macron e kancelares gjemrane Anglea Merkel, njofton Klan Kosova.
”Sidoqoftë, ne mbetemi të përkushtuar për një proces paqësor të normalizimit të marrëdhënieve tona, i cili mund të arrihet vetëm nëse Kosova dhe Serbia respektojnë shtetësinë e tjetrit”, deklaron Hoti.
”Që në fillim, Qeveria e sapozgjedhur e Kosovës ka treguar një vullnet të mirëfilltë duke hedhur të gjitha barrierat tarifore për mallrat nga Serbia, kryesisht për t’i dhënë një shans dialogut dhe për të arritur një marrëveshje përfundimtare detyruese ndërmjet Kosovës dhe Serbisë, e cila duhet të përfundojë në mënyrë të ndërsjellë zyrtare njohja midis dy vendeve”.
Shefi i Qeverisë Avdullah Hoti, në diskutimin pjesë e së cilit ishte edhe Presidenti serb Aleksandar Vuçiq, ka deklaruar se janë të gatshëm të nisin dialogun mes Kosovës e Serbisë në mënyrë të barabartë, duke theksuar që integriteti territorial i Republikës së Kosovës është i panegociueshëm.
”Ne besojmë se dialogu nuk ka alternativë. Ne jemi të gatshëm dhe të përkushtuar që të angazhohemi në dialogun Kosovë-Serbi në mënyrë të barabartë”.
”Por, ne besojmë me vendosmëri se dialogu duhet të ndjekë një afat kohor dhe kornizë të qartë të vlerave themelore dhe parimeve që duhen respektuar, në përputhje me perspektivën evropiane të të dy vendeve”.
”Ne besojmë se suksesi i këtij procesi thelbësor duhet të udhëhiqet nga parimet e mëposhtme:
