Kryeministri Avdullah Hoti pas vizitës në kompleksin memorial “Adem Jashari” dhe në varrin e ish-presidentit Ibrahim Rugova tha se janë të vendosur që amanetin e tyre do ta çojnë përpara.
Ai në një njoftim në Facebook tregoi për ditën e parë të punës së tij në krye të ekzekutivit.
“Në ditën e parë të punës në postin e Kryeministrit të Qeverisë së Kosovës, bashkë me anëtarët e kabinetit kemi bërë vizita te varri i Presidentit historik Dr. Ibrahim Rugova dhe tek familja e Jasharajve në Prekaz. Jemi të vendosur ta jetësojmë amanetin e prijësve tanë dhe atyre që dhanë jetën, për ta bërë Kosovën shtet. #QeveriaHoti #RKS”.
